റിയാദ്: അറസ്റ്റ്‌ചെയ്ത് കൊണ്ടുവന്ന പ്രതിയെ ലൈംഗീക പീഡനത്തിനിരയാക്കുകയും അധികാര ദുര്‍വിനിയോഗം നടത്തുകയും ചെയ്ത കേസില്‍ സഊദി പൊലിസ് ഉദ്യോഗസ്ഥന് വധശിക്ഷ. ഖാലിദ് ബിന്‍ മുലഫി ബിന്‍ ദൈഫുല്ല അല്‍ ഉതൈബിയുടെ വധശിക്ഷയാണ് തലസ്ഥാന നഗരിയായ റിയാദില്‍ നടപ്പാക്കിയത്. ഡ്യൂട്ടി സമയത്ത് ഒരു സംഘമാളുകളെ അറസ്റ്റ് ചെയ്ത് പൊലിസ് സ്റ്റേഷനില്‍ എത്തിക്കുകയും ഒരാളെ ബലപ്രയോഗത്തിലൂടെ ലൈംഗികമായി പീഡിപ്പിക്കുകയും ചെയ്തുവെന്ന കേസിലാണ് കോടതി പൊലിസുകാരന് വധശിക്ഷ വിധിച്ചത്. ഇയാള്‍ സ്വവര്‍ഗ ഭോഗത്തിലേര്‍പ്പെടാന്‍ മറ്റുള്ളവരെ പ്രേരിപ്പിക്കുകയും ചെയ്തതായും റിപ്പോര്‍ട്ടില്‍ പറയുന്നു.
വിധിക്ക് സഊദി ഭരണാധികാരി അംഗീകാരം നല്‍കിയതോടെയാ ണ് ശിക്ഷ നടപ്പാക്കിയത്.