ശ്രീനഗര്‍: അതിര്‍ത്തിയില്‍ രജൗറി ജില്ലയിലെ നൗഷേര സെക്ടറില്‍ വെടിനിര്‍ത്തല്‍ കരാര്‍ ലംഘിച്ച് പാക് സൈന്യം നടത്തിയ ആക്രമണത്തില്‍ ദമ്പതികള്‍ക്ക് പരുക്ക്. തോക്കുകളും മോര്‍ട്ടാര്‍ ഷെല്ലുകളും ഉപയോഗിച്ചായിരുന്നു പാക് സൈന്യത്തിന്റെ ആക്രമണം.
സഞ്ജീവ് കുമാര്‍ (32), ഭാര്യ റീതാ കുമാര്‍ (28) എന്നിവര്‍ക്കാണ് പരുക്കേറ്റത്. പാക് ആക്രമണസമയത്ത് ഇരുവരും കലാലിലുള്ള സ്വന്തം കടയില്‍ ഇരിക്കുകയായിരുന്നു. പാക് സൈന്യത്തിന്റെ ആക്രമണത്തിനെതിരേ ഇന്ത്യന്‍ സൈന്യം ശക്തമായ തിരിച്ചടി നല്‍കി.