കോട്ടയം: താഴത്തങ്ങാടിയില്‍ മോഷ്ടാവിന്റെ ആക്രമണത്തില്‍ വീട്ടമ്മ ക്രൂരമായി കൊലപ്പെട്ട സംഭവത്തില്‍ പരുക്കേറ്റ് ഗുരുതരാവസ്ഥയില്‍ കഴിഞ്ഞിരുന്ന ഇവരുടെ ഭര്‍ത്താവും മരിച്ചു. ഷാനി മന്‍സിലില്‍ മുഹമദ് സാലി (65) ആണ് ചികിത്സയിലിരിക്കെ ഇന്ന് മരിച്ചത്. ഇയാളുടെ ഭാര്യ ഷീബ ആക്രമണം നടന്ന ദിവസം തന്നെ കൊല്ലപ്പെട്ടിരുന്നു. ജൂണ്‍ ഒന്നിനാണ് താഴത്തങ്ങാടി മുഹമ്മദ് സാലി (65), ഷീബ (60) എന്നിവരെ ക്രൂരമായി ആക്രമിച്ചത്.

ആക്രമണത്തില്‍ ഗുരുതരമായി പരുക്കേറ്റ ഷീബ വീടിനുള്ളില്‍ തന്നെ മരിക്കുകയായിരുന്നു. സംഭവത്തില്‍ താഴത്തങ്ങാടി പാറപ്പാടം വേളൂര്‍ കരയില്‍ മാലിയില്‍ പറമ്പില്‍ വീട്ടില്‍ മുഹമ്മദ് ബിലാലിനെ (23) പൊലിസ് അറസ്റ്റ് ചെയ്തിരുന്നു.