ആര്‍പ്പൂക്കര: നിയന്ത്രണംവിട്ട കാര്‍ സ്‌കൂട്ടറിലും സൈക്കിളിലും ഇടിച്ച്് രണ്ടു പേര്‍ക്ക് പരുക്ക്. ഒരാളുടെ നിലഗുരുതരം.
കോട്ടയം പുലിക്കുട്ടിശേരി പെരുന്നക്കോട് ജോസഫിന്റെ മകന്‍ അലന്‍(12), പുലിക്കുട്ടിശേരി മൂന്നുമലയില്‍ ഐക്ക് ജോസഫ് കുര്യന്റെ ഭാര്യ ഹന്ന(25) എന്നിവര്‍ക്കാണ് പരുക്കേറ്റത്. അലന്റെ നിലഗുരുതരമാണ്.
കഴിഞ്ഞ ദിവസം വൈകുന്നേരം നാലോടെ പുലിക്കുട്ടിശേരി ഐക്കരച്ചിറ  പാലത്തിനു സമീപമായിരുന്നു അപകടം. നിയന്ത്രണംവിട്ട കാര്‍ ഹന്ന ഓടിച്ചിരുന്ന ആക്്ടീവാ സ്‌കൂട്ടറിലിടിച്ചശേഷം അലന്‍ സഞ്ചരിച്ചിരുന്ന സൈക്കിളില്‍ ഇടിക്കുകയായിരുന്നു. ഓടിക്കൂടിയ നാട്ടുകാര്‍ ചേര്‍ന്ന് പരിക്കേറ്റവരെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
കഴുത്തിനും തലയ്ക്കും പരിക്കേറ്റ അലനെ തീവ്രപരിചരണ വിഭാഗത്തില്‍ പ്രവേശിപ്പിച്ചു. ഹന്നയുടെ പരുക്ക് ഗുരുതരമല്ല.