'
കോഴിക്കോട്: പ്രായോഗിക ആവശ്യങ്ങളെക്കാള്‍ ഫോട്ടോയുടെ സൗന്ദര്യത്തിനു പ്രധാന്യം നല്‍കുന്ന ഫൈന്‍ ആര്‍ട്‌സ് ഫോട്ടോഗ്രഫിയുടെ സാധ്യതകള്‍ തുറന്നുകാട്ടി പി. നിവേദിതയുടെ 'പ്രൈം പാരബ്ള്‍സ് ' പ്രദര്‍ശനം ആരംഭിച്ചു. കേരളത്തനിമയില്‍ വിദേശസംസ്‌കാരത്തിന്റെ ഇഴകള്‍ കൂടി തുന്നിച്ചേര്‍ക്കുകയാണു പ്രദര്‍ശനത്തിലെ ഓരോ ഫോട്ടോയും.
എസ്.കെ പൊറ്റെക്കാട്ട് ഹാളില്‍ നടക്കുന്ന നിവേദിതയുടെ ആദ്യ ഫോട്ടോഗ്രഫി പ്രദര്‍ശനത്തില്‍ 25 ചിത്രങ്ങളാണുള്ളത്. കോഴിക്കോട് സ്വദേശിയായ ഇവര്‍ ബറോഡയിലാണു താമസം. നര്‍ത്തകിയും സുഹൃത്തുമായ മീനാക്ഷി ശശികുമാറാണ് നിവേദിതയുടെ 25 ഫൈന്‍ ആര്‍ട്‌സ് ഫോട്ടോഗ്രഫിക്കും മോഡലായിട്ടുള്ളത്. പ്രദര്‍ശനം ഈ മാസം 18 വരെ തുടരും.