കൊച്ചി: എറണാകുളം സൗത്ത് റെയില്‍വെ സ്റ്റേഷനില്‍ യുവതിയെ അപമാനിക്കാന്‍ ശ്രമിച്ച പരാതിയില്‍ റെയില്‍വേ ഉദ്യോഗസ്ഥനെതിരേ നടപടിയുണ്ടാകും. റെയില്‍വെ സ്‌റ്റേഷനിലെ ക്യാന്റീന്‍ ജീവനക്കാരിയെ അപമാനിച്ച പരാതിയെത്തുടര്‍ന്നു ഇന്നലെ തെളിവെടുപ്പ് നടത്തി. തിരുവനന്തപുരം ഡി.വി കൊമേഴ്‌സിയല്‍ മാനെജര്‍ ഇന്നലെ നേരിട്ടെത്തിയാണ് അന്വേഷണം നടത്തിയത്.
എറണാകുളം കൊമേഴ്‌സിയല്‍ ഇന്‍സ്‌പെക്ടര്‍ പ്രസൂണ്‍ എസ്.കുമാറിനെതിരേയാണ് അന്വേഷണം നടത്തിയത്. ക്യാന്റീന്‍ ക്യാഷ് കൗണ്ടറില്‍ ജോലിചെയ്തിരുന്ന യുവതിയെ ജൂസ് സ്റ്റാളില്‍ വിളിച്ചുവരുത്തി അപമാനിക്കാന്‍ ശ്രമിച്ചെന്നാണു പരാതി. ഇതേത്തുടര്‍ന്നു റെയില്‍വെ പൊലിസ് കേസെടുത്തിരുന്നു. ഇന്നലെ നടത്തിയ അന്വേഷണത്തിലും പ്രതിക്കെതിരേ മറ്റു ചില പരാതികള്‍ കൂടി ലഭിച്ചിട്ടുണ്ട്.  രാഷ്ട്രീയ ജനതാദള്‍ സംസ്ഥാന പ്രസിഡന്റ് അനു ചാക്കോയും പരാതി നല്‍കിയിരുന്നു.