ആലപ്പുഴ: പുന്നമടക്കായലില്‍ നടക്കുന്ന 66-ാമത് നെഹ്‌റുട്രോഫി വള്ളം കളിയുടെ സ്വാഗതസംഘം ഓഫീസ് ഉദ്ഘാടനം ജില്ലാ കലക്ടര്‍ എസ്. സുഹാസ് നിര്‍വഹിച്ചു. ആര്‍.ഡി. ഓഫിസിനോട് ചേര്‍ന്നുള്ള കെട്ടിടത്തിലാണ് നെഹ്‌റുട്രോഫി ബോട്ട് റേസ് ഓഫിസ് പ്രവര്‍ത്തിക്കുക. നെഹ്‌റുട്രോഫി വള്ളം കളിയുടെ ആദ്യ ടിക്കറ്റ് വില്‍പ്പനയും ജില്ലാ കലക്ടര്‍ നിര്‍വഹിച്ചു. 

മൈ ട്രിപ്പ് ഹൗസ് ബോട്ട് ഉടമ നിയാസ് യൂനസിന് ആദ്യ ടിക്കറ്റ് കൈമാറി കൊണ്ടാണ് കലക്ടര്‍ ടിക്കറ്റ് വില്‍പ്പന ഉദ്ഘാടനം ചെയ്തത്. ചടങ്ങില്‍ എന്‍.ടി.ബി.ആര്‍. സൊസൈറ്റി സെക്രട്ടറി വി.ആര്‍ കൃഷ്ണ തേജ, എക്‌സിക്യൂട്ടീവ് കമ്മിറ്റി അംഗങ്ങളായ എസ്.എം ഇക്ബാല്‍, എം.വി.അല്‍ത്താഫ്, ജോസഫ് വല്ല്യായിക്കല്‍, ഇറിഗേഷന്‍ എക്‌സിക്യൂട്ടീവ് എന്‍ജിനിയര്‍ ഹരണ്‍ബാബു, ജില്ലാ ഇന്‍ഫര്‍മേഷന്‍ ഓഫിസര്‍ ചന്ദ്രഹാസന്‍ വടുതല, ടൂറിസം ഡെപ്യൂട്ടി ഡയറക്ടര്‍ അഭിലാഷ്, ഡി.ടി.പി.സി.സെക്രട്ടറി മാലിന്‍, അമ്പലപ്പുഴ തഹസില്‍ദാര്‍ ആശാ സി.എബ്രഹാം, അബ്ദുള്‍ സലാം ഹബ്ബ തുടങ്ങിയവര്‍ പങ്കെടുത്തു.