ആലപ്പുഴ: ചേര്‍ത്തലയില്‍ അഞ്ച് ആരോഗ്യപ്രവര്‍ത്തകര്‍ക്ക് കൊവിഡ് സ്ഥിരീകരിച്ചു. ചേര്‍ത്തല താലൂക്ക് ആശുപത്രിയിലെ ഡോക്ടര്‍ ഉള്‍പ്പെടെയുള്ളവര്‍ക്കാണ് രോഗം കണ്ടെത്തിയത്. രണ്ട് നഴ്‌സുമാര്‍ക്ക് രോഗബാധയുണ്ട്.

കഴിഞ്ഞ ദിവസം കൊവിഡ് സ്ഥിരീകരിച്ച ഗര്‍ഭിണിയെ ഇവിടെ കിടത്തിയായിരുന്നു ചികിത്സിച്ചിരുന്നത്. ആരോഗ്യപ്രവര്‍ത്തകര്‍ക്ക് കൊവിഡ് സ്ഥിരീകരിച്ചതിന്റെ പശ്ചാത്തലത്തില്‍ താലൂക്ക് ആശുപത്രി അടയ്ക്കണമെന്ന് നഗരസഭ വ്യക്തമാക്കി.