കയ്പമംഗലം: വിദ്യാലയത്തില്‍ പഠിക്കുന്ന മുഴുവന്‍ വിദ്യാര്‍ഥികള്‍ക്കും അവരവരുടെ സമീപ ലൈബ്രറികളില്‍ മെമ്പര്‍ഷിപ്പ് എടുപ്പിച്ച് സംസ്ഥാനത്തിന് മാതൃകയായ പെരിഞ്ഞനം എസ്.എന്‍ സ്മാരക യു.പി സ്‌കൂളിന് കയ്പമംഗലം എം.എല്‍.എയായ ഇ.ടി ടൈസണ്‍ മാസ്റ്ററുടെ സമ്മാനമായി 15000 രൂപയുടെ പുസ്തകങ്ങള്‍.
അറപ്പത്തോട് ശുചീകരണ യജ്ഞത്തിന്റെ സംഘാടക സമിതി യോഗത്തില്‍ മുഖ്യപ്രഭാഷണം നടത്തുമ്പോഴാണ് എം.എല്‍.എ പ്രഖ്യാപനം നടത്തിയത്.
യോഗത്തില്‍ പെരിഞ്ഞനം ഗ്രാമപഞ്ചായത്ത് അംഗം സ്മിത ഷാജി അധ്യക്ഷയായി. മതിലകം ബ്ലോക്ക് പഞ്ചായത്ത് സ്റ്റാന്റിംഗ് കമ്മിറ്റി ചെയര്‍മാന്‍ എം.എ വിജയന്‍ യോഗം ഉദ്ഘാടനം ചെയ്തു.
ടി.വി വിനോദ് മാസ്റ്റര്‍ പദ്ധതി വിശദീകരണം നടത്തി. ഗ്രാമപഞ്ചായത്ത് സെക്രട്ടറി മുഹമ്മദ് ജലീല്‍, പെരിഞ്ഞനം അസിസ്റ്റന്റ് കൃഷി ഓഫീസര്‍ ഷാജി, ഗ്രാമപഞ്ചായത്ത് വൈസ് പ്രസിഡന്റ് സായിദ മുത്തുക്കോയ തങ്ങള്‍, പി.കെ വാസു, പി.എസ് വല്‍സന്‍, ടി.ബി സുരേഷ് ബാബു മാസ്റ്റര്‍, കെ.പി ഷാജി സംസാരിച്ചു.