കൊഴുവല്ലൂര്‍: വെണ്മണി ശാലേം യു.പി സ്‌കൂള്‍ പ്രവര്‍ത്തനം ആരംഭിച്ചട്ട് 90 വര്‍ഷം തികയുന്നു. ഇതിന്റെ ഭാഗമായി ഒരു വര്‍ഷം നീണ്ടുനില്‍ക്കുന്ന നവതി ആഘോഷങ്ങളുടെ ഉദ്ഘാടനം അഡ്വ.കെ.കെ രാമചന്ദ്രന്‍ നായര്‍ നിര്‍വഹിച്ചു.
മാനേജര്‍ റവ. തോമസ് മാത്യു അധ്യഷതവഹിച്ചു. വെണ്‍സെക് ചെയര്‍മാന്‍ കോശി ശാമുവേല്‍, ജോസ് തോമസ്, ജില്ലാ പഞ്ചായത്തംഗം ജിബിന്‍ പി വര്‍ഗീസ്, മുളക്കഴ പഞ്ചായത്ത് പ്രസിഡന്റ് രശ്മി രവീന്ദ്രന്‍, ബ്ലോക്ക് പഞ്ചായത്ത് മെമ്പര്‍ പി.സി അജിത, പഞ്ചായത്തംഗം അജിത മോഹന്‍ തുടങ്ങിയവര്‍ പ്രസംഗിച്ചു.
പൂര്‍വവിദ്യാര്‍ത്ഥി-അധ്യാപക സംഗമം, പ്രതിഭകളെ ആദിരിക്കല്‍, വിശിഷ്ട വ്യക്തികളുമായി സംവാദം,സെമിനാറുകള്‍, സാഹിത്യ സദസുകള്‍ കലാപരിപാടികള്‍, നവതി സ്മാരക മന്ദിര നിര്‍മ്മാണം, ശാസ്ത്ര പ്രദശനങ്ങള്‍, നിര്‍ദ്ധന വിദ്യാര്‍ത്ഥികളെ സഹായിക്കല്‍ തുടങ്ങിയ പദ്ധതികളാണ് ഒരു വര്‍ഷത്തെ പരിപാടിയില്‍ ഉള്‍പ്പെടുത്തിയട്ടുള്ളത്.
റവ. തോമസ് മാത്യു ചെയര്‍മാനും പ്രഥമ അധ്യാപിക ഷേര്‍ളി കെ തോമസ് ജനറല്‍ കണ്‍വീനറുമായുള്ള 101 അംഗ നവതി കമ്മറ്റി രൂപികരിച്ചു.