കരുവാരക്കുണ്ട്: അടുത്ത അധ്യായന വര്‍ഷം കരുവാരക്കുണ്ട് ഗവ. ഹയര്‍ സെക്കന്‍ഡറിസ്‌കൂളില്‍ വിദ്യ പകരാന്‍ നാലുഅധ്യാപകരുണ്ടാകില്ല. സംസ്ഥാനത്തെ മാതൃകാ വിദ്യാലയങ്ങളിലൊന്നും മികവിന്റെ കേന്ദ്രവുമായ കരുവാരക്കുണ്ട് ഗവ.ഹയര്‍ സെക്കന്‍ഡറി സ്‌കൂളില്‍ നിന്ന് നാലു പേര്‍ പടിയിറങ്ങുകയാണ്. വര്‍ഷങ്ങളോളം അധ്യാപികയായ സുഹ്‌റാബി കൈനോട്ട് ഇപ്പോള്‍ പ്രധാനാധ്യാപികയായാണ് വിരമിക്കുന്നത്. ഡെപ്യൂട്ടി പ്രധാനാധ്യാപകനും പ്രദേശത്തുകാരനുമായ പി അബ്ദുറഹ്മാന്‍, കുട്ടികളില്‍ മായാത്ത ചിത്രങ്ങള്‍ക്ക് രൂപം നല്‍കിയിരുന്ന ചിത്രകലാധ്യാപകന്‍ കെ.വി.കെ അബ്ദുല്ല, ഹിന്ദി അധ്യാപകന്‍ പി.അബ്ദുസ്സലാം എന്നിവരാണ് വിരമിക്കുന്നത്. ഇവര്‍ക്ക് സ്‌കൂളില്‍ യാത്രയയപ്പും നല്‍കി.