സിദ്ധാപുരം: ഇസ്‌ലാം സാമൂഹിക സേവനത്തിനു മഹത്തായ സ്ഥാനം നല്‍കിയിട്ടുണ്ടെന്നും പ്രയാസപ്പെടുന്ന സമൂഹത്തിന്റെ കണ്ണീരൊപ്പാന്‍ എല്ലാവരും മുന്നോട്ടുവരണമെന്നും പാണക്കാട് സാബിഖലി ശിഹാബ് തങ്ങള്‍. നെല്യാഹുദിക്കേരിയില്‍ എസ്.കെ.എസ്.എസ്.എഫ് സമ്മേളനവും സമൂഹവിവാഹവും ഉദ്ഘാടനം ചെയ്യുകയായിരുന്നു അദ്ദേഹം. സമാപന സമ്മേളനത്തില്‍ കുടക് അബ്ദുറഹ്മാന്‍ മുസ്‌ലിയാര്‍ അധ്യക്ഷനായി. പാണക്കാട് റാജിഹ് അലി ശിഹാബ് തങ്ങള്‍, എം.എം അബ്ദുല്ല ഫൈസി, ഇ.പി  അബൂബക്കര്‍ ഖാസിമി പത്തനാപുരം, മന്‍സൂര്‍ അലി ദാരിമി, കെ.എ യഅ്ഖൂബ്, ആരിഫ് ഫൈസി, തംലീഖ് ദാരിമി, നൗഷാദ് ഫൈസി, ഹസൈനാര്‍ ഫൈസി, എന്‍.എന്‍ ഇഖ്ബാല്‍ മുസ്‌ലിയാര്‍, എ.കെ അബ്ദുല്‍ ഹക്കീം സംസാരിച്ചു.