ന്യൂഡല്‍ഹി: സി.ബി.എസ്.ഇ 12ാം ക്ലാസ് ഫലം പ്രസിദ്ധീകരിച്ചു. പരീക്ഷ നടത്താത്ത വിഷയങ്ങള്‍ക്ക് ഇന്റേണല്‍ അസസ്‌മെന്റിന്റെയും നേരത്തെ നടത്തിയ പരീക്ഷകളുടെയും അടിസ്ഥാനത്തിലാണ് മൂല്യനിര്‍ണയം നടത്തിയത്. 88.78 ശതമാനം വിദ്യാര്‍ഥികള്‍ വിജയിച്ചു. മുന്‍ വര്‍ഷത്തേക്കാള്‍ 5.38 ശതമാനം വര്‍ധനയുണ്ട്.

വിദ്യാര്‍ഥികള്‍ക്ക് cbseresults.nic.in എന്ന വെബ്‌സൈറ്റില്‍നിന്ന് ഫലം അറിയാം.

4984 കേന്ദ്രങ്ങളിലായി 11,92,961 വിദ്യാര്‍ഥികളാണ് ഇത്തവണ സി.ബി.എസ്.ഇ ബോര്‍ഡ് പരീക്ഷ എഴുതിയത്.

തിരുവനന്തപുരം മേഖലയിലാണ് കൂടിയ വിജയശതമാനം (97.67). ബെംഗളൂരു (97.05 ശതമാനം), ചെന്നൈ (96.17 ശതമാനം) മേഖലകളാണ് തൊട്ടുപിന്നില്‍. ഏറ്റവും കുറവ് പാട്‌നയിലാണ്.

ഈ മാസം 15 നു മുന്‍പ് ഫലം പ്രഖ്യാപിക്കുമെന്ന് ബോര്‍ഡ് സുപ്രിംകോടതിയെ അറിയിച്ചിരുന്നു.