ഇസ്താംബൂള്‍: ഈജിയന്‍ കടലില്‍ സിറിയന്‍ അഭയാര്‍ഥികള്‍ സഞ്ചരിച്ച ബോട്ട് മറിഞ്ഞ് 16 പേര്‍ മരിച്ചു. ഗ്രീസിനും തുര്‍ക്കിക്കുമിടയിലുള്ള കിഴക്കന്‍ ഈജിയന്‍ സമുദ്രത്തിലാണ് അപകടം. മരിച്ചവരില്‍ രണ്ട് കുട്ടികളും ആറ് സ്ത്രീകളുമുണ്ട്.
ആറ് സ്ത്രീകളും ഒരു കുട്ടിയും രണ്ട് പുരുഷന്മാരുമടക്കം ഒന്‍പതുപേരുടെ മൃതദേഹം ലെസ്‌ബോസ് ഉപദ്വീപിനടുത്തുള്ള ഗ്രീക്ക് കടലില്‍നിന്നു കണ്ടെത്തിയതായി ഗ്രീക്ക് തീരരക്ഷാ സേന അറിയിച്ചു. തുര്‍ക്കി കടലില്‍നിന്ന് മറ്റ് ആറുപേരുടെയും ഒരു കുട്ടിയുടെയും മൃതദേഹം കണ്ടെടുത്തതായി തുര്‍ക്കിവൃത്തങ്ങളും അറിയിച്ചു.
ഞായറാഴ്ച തുര്‍ക്കിയില്‍നിന്ന് 25 സിറിയന്‍ അഭയാര്‍ഥികളുമായി തിരിച്ച ബോട്ടാണ് അപകടത്തില്‍പെട്ടത്. ഗ്രീക്ക് നാവികസേനക്കാണ് അപകട വിവരം ലഭിച്ചത്.