നടവരമ്പ് : വായനാ പക്ഷാചരണ പ്രവര്‍ത്തന മികവിന് നടവരമ്പ് ഗവ.എല്‍.പി.സ്‌കൂളിന് അംഗീകാരം. ഇരിങ്ങാലക്കുട ഉപജില്ലയിലെ പുരസ്‌ക്കാരം ലഭിച്ച ഏക വിദ്യാലയമാണ് നടവരമ്പ് ഗവ.എല്‍.പി സ്‌കൂള്‍.
വായന പക്ഷാചരണത്തിന്റെ സംസ്ഥാന സമാപന സമ്മേളനത്തില്‍ വച്ച് ലൈബ്രറി കൗണ്‍സില്‍ ജില്ലാ പ്രസിഡന്റ് മുരളി പെരുനെല്ലി എം.എല്‍.എ യില്‍ നിന്നും പി.ടി.എ.പ്രസിഡന്റ് സി.പി. സജി, പ്രധാന അധ്യാപക ചുമതല വഹിക്കുന്ന ബാബു കോടശ്ശേരി എന്നിവര്‍ പുരസ്‌ക്കാരവും സ്‌കൂള്‍ ലൈബ്രറിയിലേയ്ക്കുള്ള പുസ്തകങ്ങള്‍ ഏറ്റുവാങ്ങി.
സമ്മേളനം വിദ്യാഭ്യാസ വകുപ്പ് മന്ത്രി പ്രൊ.സി രവീന്ദ്രനാഥ് ഉദ്ഘാടനം ചെയ്തു. കൃഷി വകുപ്പു മന്ത്രി അഡ്വ.വി.എസ്.സുനില്‍കുമാര്‍ അധ്യക്ഷനായി.ജില്ലാ കലക്ടര്‍ അനുപമ ,എന്‍.ആര്‍. മല്ലിക, ജില്ലാ പഞ്ചായത്ത് ഭാരവാഹികള്‍ സന്നിഹിതരായിരുന്നു.