കൊല്ലം: ചൂട് അത്യുന്നതിലെത്തിയിട്ടും കൊല്ലം ലോക്‌സഭാ മണ്ഡലം യു.ഡി.എഫ് പ്രേമചന്ദ്രന്റെ മനസ്സും മുഖവും വാടിയില്ല. കാത്തിരുന്ന എല്ലാവരോടും സൗമ്യതയോടെ കൈവീശി അഭിവാദ്യമര്‍പ്പിച്ച് ഓരോരുത്തരിലും എന്റേതെന്ന തോന്നല്‍ ജനിപ്പിച്ചാണ് ഓരോ സ്വീകരണകേന്ദ്രത്തിലും സ്ഥാനാര്‍ഥി മുന്നോട്ടുപോകുന്നത്.
എഴുപതില്‍പ്പരം സ്വീകരണകേന്ദ്രങ്ങളിലാണ് പര്യടനം നിശ്ചയിക്കപ്പെട്ടിരുന്നത്. എന്നാല്‍ ഒട്ടനവധി സ്ഥലങ്ങളില്‍ അധികമായി ആളുകള്‍ കാണാനെത്തിയതുമൂലം യഥാസമയം നിശ്ചിതകേന്ദ്രങ്ങളില്‍ സമയക്രമമനുസരിച്ച് എത്താന്‍ കഴിഞ്ഞില്ല. രാവിലെ എട്ടിന് ആര്യങ്കാവില്‍ ഭാരതീപുരം ശശി സ്വീകരണം ഉദ്ഘാടനം ചെയ്തു.
കരിക്കേത്തില്‍ പ്രസേനന്‍ അധ്യക്ഷനായി.
പുനലൂര്‍ മധു, ജ്യോതികുമാര്‍ ചാമക്കാല, കെ.എസ് വേണുഗോപാല്‍, തടിക്കാട് ഗോപാലകൃഷ്ണന്‍, നെല്‍സണ്‍ സെബ്‌സാറ്റിയന്‍, ഏരൂര്‍ സുഭാഷ്, ജോസഫ് മാത്യു, റോയി ഉമ്മന്‍, ഇടമണ്‍ ഇസ്മയില്‍, സി. ബാലചന്ദ്രന്‍, സണ്ണി ജോസഫ്, കെ.പി വേലു, ടോമിച്ചന്‍, എം. നാസര്‍ഖാന്‍, സി.വി വിജയകുമാര്‍, സി. വിജയകുമാര്‍, വിജയകുമാര്‍ പാലയ്ക്കല്‍, അഡ്വ. കെ.എ നസീര്‍, സി. വര്‍ഗ്ഗീസ് എന്നിവര്‍ സ്ഥാനാര്‍ഥിയോടൊപ്പം പര്യടനത്തില്‍ പങ്കെടുത്തു.
എന്‍.കെ പ്രേമചന്ദ്രന്റെ മണ്ഡലം പര്യടന സ്വീകരണപരിപാടി ഇന്ന് ചടയമംഗലം നിയോജകമണ്ഡലത്തില്‍ നടക്കും. രാവിലെ എട്ടിന് അഞ്ചല്‍ കോളജ് ജങ്ഷനില്‍ നിന്നാരംഭിക്കും