അമ്പലപ്പുഴ: പതിനൊന്നുകാരനെ പ്രകൃതി വിരുദ്ധ പീഡനത്തിന് ഇരയാക്കിയ യുവാക്കള്‍ അറസ്റ്റില്‍.പുന്നപ്ര വടക്കു പഞ്ചായത്ത് പതിനഞ്ചാം വാര്‍ഡില്‍ പവിത്രത്തില്‍ ബാബുവിന്റെ മകന്‍ ബിബിന്‍ ബാബു (19), സമീപവാസിയായ ഇടപറമ്പില്‍ ശിവദാസിന്റെ മകന്‍ അരുണ്‍കുമാര്‍ (19) എന്നിവരെയാണ് ടൗണ്‍ സി.ഐ രാജേഷിന്റെ നിര്‍ദ്ദേശ പ്രകാരം പുന്നപ്ര എസ് ഐ സി.ശ്രീജിത്തിന്റെ നേതൃത്വത്തിലുള്ള പൊലിസ് സംഘം അറസ്റ്റു ചെയ്തത്.
  കഴിഞ്ഞ 2016 ഡിസംബറിലായിരുന്ന കേസിനാസ്പദമായ സംഭവം. എന്നാല്‍ ഈ വിവരം രക്ഷകര്‍ത്താക്കളോട് കുട്ടി പറഞ്ഞിരുന്നെങ്കിലും പ്രതികളുടെ ഭീഷണി ഭയന്ന് ഇവര്‍ പൊലിസില്‍ പരാതി നല്‍കാന്‍ തയ്യാറായിരുന്നില്ല. തുടര്‍ന്ന് ഇന്നലെ പകല്‍ പ്രതികളുമായി കുട്ടിയുടെ ബന്ധുക്കള്‍ വാക്കുതര്‍ക്കത്തിലേര്‍പ്പെടുകയും രക്ഷിതാക്കള്‍ പോലീസില്‍ പരാതി നല്‍കുകയായിരുന്നു.
പിന്നീട് ഇന്നലെ 8 .50 ഓടെ പ്രതികളെ പുന്നപ്ര പറവൂര്‍ ഭാഗത്തു വെച്ച് അറസ്റ്റു ചെയ്യുകയായിരുന്നു. ചോദ്യം ചെയ്യലില്‍ ഒന്നാം പ്രതിയും കുട്ടിയുടെ സമീപവാസിയായ ബിബിന്‍ ബാബുവിന്റെ വീട്ടിലെത്തിച്ച് ഇരുവരും ചേര്‍ന്ന് കുട്ടിയെ നിരവധി തവണ പീഡിപ്പിച്ചതായി വ്യക്തമായി.
പ്രതികളെ ഇന്ന് അമ്പലപ്പുഴ ഫസ്റ്റ് ക്ലാസ്സ് മജിസ്‌ട്രേറ്റ് കോടതി മുമ്പാകെ ഹാജരാക്കും. സീനിയര്‍ സിവില്‍ പൊലിസ് ഓഫിസര്‍മാരായ അഗസ്റ്റിന്‍, വില്ല്യം, സിദ്ദിഖ്, പ്രദീപ് എന്നിവരും പൊലിസ് സംഘത്തിലുണ്ടായിരുന്നു.