കൊച്ചി: കേരള ബ്ലാസ്റ്റേഴ്‌സ് താരം കറേജ് പെകൂസണെ തേടി അംഗീകാരം. പെകൂസന്റെ ഗോളിനെ ഐ.എസ്.എല്‍ സീസണിലെ മികച്ച ഗോളായി തിരഞ്ഞെടുത്തതാണ് താരത്തിന് അംഗീകാരമായത്. സോഷ്യല്‍ മീഡിയകളില്‍ നടത്തിയ വോട്ടിങ്ങിലാണ് പെകൂസന്റെ ഗോളിനെ സീസണിലെ മികച്ച ഗോളായി തിരഞ്ഞെടുത്തത്. ബംഗളൂരു എഫ്.സിക്ക് എതിരേ ബോക്‌സിന് പുറത്തുനിന്ന് തൊടുത്ത ഗംഭീര ഗോളിനാണ് പുരസ്‌കാരം.

മികുവിന്റെയും കോറോയുടെയും അടക്കം പത്തോളം ഗോളുകള്‍ മികച്ച ഗോളിനായി രംഗത്ത് ഉണ്ട@ായിരുന്നു. സീസണില്‍ ബ്ലാസ്റ്റേഴ്‌സ് പൂര്‍ണ പരാജയമായിരുന്നെങ്കിലും ഇത്തരം ചില നേട്ടങ്ങള്‍ മാത്രമാണ് ബ്ലാസ്റ്റേഴ്‌സിന്റെ അഞ്ചാം സസീണിലെ സമ്പാദ്യം. യുവ താരം സഹല്‍ അബ്ദുല്‍ സമദിനെ ഏറ്റവും നല്ല മിഡ്ഫീല്‍ഡറായി തിരഞ്ഞെടുത്തിരുന്നു. ഐ.എസ്.എല്ലിലെ ഏറ്റവും മികച്ച ഫീല്‍ഡിനുള്ള പുരസ്‌കാരം ബ്ലാസ്റ്റേഴ്‌സിന്റെ ഹോം ഗ്രൗണ്ടിന് ലഭിച്ചിരുന്നു.