കൊച്ചി: ബി.ജെ.പി തൊഴിലവസരങ്ങള്‍ നഷ്ടപ്പെടുത്തിയെന്ന് സാമൂഹികപ്രവര്‍ത്തകന്‍ സന്ദീപ് പാണ്ഡെ. സ്ത്രീശാക്തീകരണ സഖ്യം എറണാകുളം മണ്ഡലം സ്ഥാനാര്‍ഥി ലൈല റഷീദിന്റെ പ്രചാരണപ്രവര്‍ത്തനങ്ങള്‍ ഉദ്ഘാടനം ചെയ്യുകയായിരുന്നു അദ്ദേഹം.

വര്‍ഷം ഒരുകോടി തൊഴിലുകള്‍ സൃഷ്ടിക്കുമെന്നായിരുന്നു ബി.ജെ.പിയുടെ വാഗ്ദാനം. ഗംഗാനദിയുടെ സംരക്ഷണത്തിനായി ഹിന്ദു സന്യാസിമാര്‍ നിരാഹാരം കിടന്നിട്ടും പ്രധാനമന്ത്രി മോദി പ്രതികരിക്കുന്നില്ല. കൂടുതല്‍ വനിതകളെ തെരഞ്ഞെടുപ്പ് രംഗത്തിറക്കാന്‍ രാഷ്ട്രീയപാര്‍ട്ടികള്‍ക്ക് കഴിയണമെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു.