ശ്രീനഗര്‍: കശ്മിരില്‍ മൂന്നു തീവ്രവാദികളെ സുരക്ഷാസേന കൊലപ്പെടുത്തി. പൂഞ്ച് ജില്ലയില്‍ നിയന്ത്രണരേഖ വഴി നുഴഞ്ഞുകയറാന്‍ ശ്രമിച്ച തീവ്രവാദികളെയാണ് കൊലപ്പെടുത്തിയത്. സൈന്യത്തിന്റെ നിരീക്ഷണത്തിലുള്ള മേഖലയില്‍ നടത്തിയ തിരച്ചിലിനിടയിലാണ് ഏറ്റുമുട്ടലുണ്ടായത്. മേഖലയില്‍ തിരച്ചില്‍ തുടരുകയാണെന്നും ജമ്മുവിലെ പ്രതിരോധ വക്താവ്  പറഞ്ഞു. ഹിസ്ബുല്‍ മുജാഹിദീന്‍ കമാന്‍ഡര്‍ ബുര്‍ഹാന്‍ വാനി കൊല്ലപ്പെട്ടശേഷമുണ്ടായ സംഘര്‍ഷങ്ങളില്‍ 39 പേര്‍ മരിക്കുകയും 3,100 പേര്‍ക്ക് പരുക്കേല്‍ക്കുകയും ചെയ്തിരുന്നു. അക്രമങ്ങള്‍ ഇപ്പോഴും പൂര്‍ണമായി ശമിച്ചിട്ടില്ല.