പാരിസ്: ഫ്രാന്‍സില്‍ ഭീകരാക്രമണത്തില്‍ കൊല്ലപ്പെട്ട പൊലിസുകാരന് ആദരാഞ്ജലിയര്‍പ്പിക്കാന്‍ രണ്ടാംഘട്ട പ്രസിഡന്റ് സ്ഥാനാര്‍ഥികളായ ഇമ്മാനുവല്‍ മാക്രോണും മരിയലെ പെന്നും എത്തി. കഴിഞ്ഞ ആഴ്ച പ്രസിഡന്റിന്റെ കൊട്ടാരമായ എലിസിക്ക് അടുത്താണ് സേവ്യര്‍ ജുഗ്്‌ലി (37) എന്ന പൊലിസുകാരന്‍ കൊല്ലപ്പെട്ടത്.
ഞായറാഴ്ച നടന്ന തെരഞ്ഞെടുപ്പിന് ശേഷമാണ് ഇരു സ്ഥാനാര്‍ഥികളും ജുഗ്്‌ലിയുടെ അനുസ്മരണ ചടങ്ങില്‍ പങ്കെടുത്തത്. ഭീകരതയ്ക്ക് എതിരേ ഒന്നിക്കണമെന്ന് ഫ്രഞ്ച് പ്രസിഡന്റ് ഫ്രാന്‍സ്വെ ഹൊളാന്ത് ചടങ്ങില്‍ ആഹ്വാനം ചെയ്തു. അതേസമയം, കൊല്ലപ്പെട്ട പൊലിസുകാരന്‍ സ്വവര്‍ഗാനുരാഗികള്‍ക്ക് വേണ്ടി മുന്‍നിരയില്‍ നിന്നയാളാണെന്ന് ഫ്രഞ്ച് മാധ്യമങ്ങള്‍ പറഞ്ഞു.