പാരിസ്: നീസ് ആക്രമണത്തിനു പിന്നില്‍ പ്രവര്‍ത്തിച്ച ട്രക്ക് ഡ്രൈവര്‍ മുഹമ്മദ് ലൗഹൊയ്ജ് ബൗഹലേല്‍ (31) മുസ്‌ലിം അല്ലെന്നു മുന്‍ഭാര്യയുടെ സഹോദരന്‍. ഇയാള്‍ പള്ളിയില്‍ പോകുന്നതു കണ്ടിട്ടില്ലെന്നും മദ്യപാനിയാണെന്നും സമീപവാസികളും പറഞ്ഞു. മദ്യപിക്കുകയും ഭാര്യയെ നിരന്തരം മര്‍ദിക്കുകയും ചെയ്യുന്ന ബൗഹലേല്‍ വിഷാദരോഗിയായിരുന്നുവെന്നും ഭാര്യാസഹോദരന്‍ വലീദ് ഹമൊയെ ഉദ്ധരിച്ച് പ്രാദേശികപത്രമായ നീസ് മതിന്‍ റിപ്പോര്‍ട്ട് ചെയ്തു.

ട്രക്ക് ഡ്രൈവറായിരുന്ന ഇയാള്‍ക്ക് ഏകാന്തവാസമായിരുന്നു ഇഷ്ടം. റമദാനില്‍ നോമ്പുനോല്‍ക്കാറില്ലെന്നും കഴിഞ്ഞ റമദാനില്‍ ഇയാള്‍ പുകവലിക്കുന്നത് കണ്ടുവെന്നും നാട്ടുകാര്‍ പറയുന്നു. ഇയാള്‍ മയക്കുമരുന്ന് ഉപയോഗിച്ചിരുന്നെന്നു പ്രദേശവാസി പറഞ്ഞു.