ന്യൂഡല്‍ഹി; ഒട്ടും ഭീതി കൂടാതെ മാറ്റത്തിനായി വോട്ടു ചെയ്യാന്‍ വോട്ടര്‍മാരോട് വൈ.എസ്.ആര്‍ കോണ്‍ഗ്രസ് നേതാവ് ജഗന്‍ മോഹന്‍ റെഡ്ഢി. വോട്ടു രേഖപ്പെടുത്തിയ ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം. ' ഒട്ടും ഭീതി കൂ
ടാതെ മാറ്റത്തിനായി വോട്ടു ചെയ്യൂ. ജനങ്ങള്‍ മാറ്റം ആഗ്രഹിക്കുന്നുണ്ട്. അത് സംഭവിക്കുക തന്നെ ചെയ്യും'- ജഗന്‍ പറഞ്ഞു. ഇവിടെ വിശ്വാസ്യത പ്രധാനമാണ്. 2014ല്‍ നല്‍കിയ വാഗ്ദാനങ്ങള്‍ ഒന്നു പോലും നിറവേറ്റിയിട്ടില്ല. എല്ലാം കളവാണെന്ന് തെളിഞ്ഞിരിക്കുകയാണ്. ജനങ്ങള്‍ ഇത് മനസ്സിലാക്കുമെന്നും അതനുസരിച്ച് അവര്‍ വോട്ട് രെഖപ്പെടുത്തുമെന്നും അദ്ദേഹം പ്രത്യാശ പ്രകടിപ്പിച്ചു.

എന്‍.ഡി.എയും കോണ്‍ഗ്രസുമല്ലാത്ത ഒരു തൂക്കുസഭയാണ് താന്‍ ആഗ്രഹിക്കുന്നതെന്ന് അദ്ദേഹം നേരത്തെ എന്‍.ഡി.ടിവിയോട് പറഞ്ഞിരുന്നു. അന്ധ്രപ്രദ്ശിന് പ്രത്യേക പദവി അനുവദിക്കുന്ന ഏത് നേതാവുമായും പക്ഷം ചേരാന്‍ തയ്യാറാണെന്നും അദ്ദേഹം വ്യക്തമാക്കിയിരുന്നു.