കല്‍പ്പറ്റ: സോളാര്‍ ഹോം ലൈറ്റിങ് സിസ്റ്റത്തിന് അനര്‍ട്ട് ജില്ലാ ഓഫിസ് അപേക്ഷ ക്ഷണിച്ചു. ജൂലൈ 20 മുതല്‍ അപേക്ഷ നല്‍കാം. 75 വാട്‌സ് സോളാര്‍ പാനല്‍, 12 വോള്‍ട്ട് 75 എ.എച്ച് ബാറ്ററി, 9 വോള്‍ട്ട് സി.എഫ്.എല്‍ ബള്‍ബ്-2 എണ്ണം, ഡി.സി.ഫാന്‍-1 എന്നിവ ഉള്‍പ്പെട്ടതാണ് സോളാര്‍ ഹോം ലൈറ്റിങ് സിസ്റ്റം.
ആവശ്യമുള്ള ഗുണഭോക്താക്കള്‍ ഫോട്ടോ പതിച്ച തിരിച്ചറിയല്‍ കാര്‍ഡിന്റെ കോപ്പി സഹിതം അപേക്ഷ നല്‍കണം.
സര്‍ക്കാര്‍ അര്‍ധ സര്‍ക്കാര്‍, സ്വയംഭരണ സ്ഥാപനങ്ങള്‍ എന്നിവക്ക് സ്ഥാപനമേധാവിയുടെ കത്ത് സഹിതം അപേക്ഷിക്കാം. 20,989 രൂപ ഗുണഭോക്തൃ വിഹിതമായി അടക്കണം. കൂടുതല്‍ വിവരങ്ങള്‍ക്ക് 04936 206216.