കല്ലമ്പലം: കടുവാപ്പള്ളി കെ.ടി.സി.ടി ഹയര്‍സെക്കന്‍ഡറി സ്‌കൂളിലെ പ്ലസ്ടു വിഭാഗം എന്‍.എസ്.എസ് യൂണിറ്റിന്‍െ ്രആഭിമുഖ്യത്തില്‍ വിവിധ പ്രദേശങ്ങളില്‍ കുടിവെള്ളമെത്തിച്ചു.
മണമ്പൂര്‍, കരവാരം പഞ്ചായത്തുകളിലെ ചാത്തമ്പറ, വലിയവിള, തോട്ടയ്ക്കാട്, പയ്യൂര്‍ക്കോണം കോളനി, തെക്കുംകര കോളനി, പറങ്കിമാംവിള പ്രദേശങ്ങളിലാണ് കുടിവെള്ള വിതരണം നടന്നത്. ജില്ലയിലെ ഏറ്റവും മികച്ച എന്‍.എസ്.എസ് യൂണിറ്റ് എന്ന പദവി രണ്ടുതവണ നേടിയിട്ടുള്ള കെ.ടി.സി.ടി സ്‌കൂള്‍ യൂണിറ്റ് ആരോഗ്യ വിദ്യാഭ്യാസ മേഖലയില്‍ പാലിയേറ്റീവ് പ്രവര്‍ത്തനങ്ങള്‍,
പഠനോപകരണ വിതരണം, സൗജന്യമായി മരുന്നുകള്‍ എത്തിച്ചുകൊടുക്കല്‍, ഗ്രാമം ദത്തെടുത്ത് ഭക്ഷണം നല്‍കാല്‍ തുടങ്ങിയ വിവിധ പരിപാടികള്‍ നടത്തിവരുന്നുണ്ട്. കുടിവെള്ള വിതരണ പദ്ധതി ബ്ലോക്ക് മെമ്പറും കെ.ടി.സി.ടി ചെയര്‍മാനുമായ പി.ജെ നഹാസ് ഉദ്ഘാടനം ചെയ്തു.
എം.എസ് ഷെഫീര്‍, എന്‍. ഷിജു, സമീര്‍ വലിയവിള, വാര്‍ഡ് മെമ്പര്‍ പ്രശോഭനാ വിക്രമന്‍, വലിയവിള അസീസ്, ഡി.എസ് ബിന്ദു, ബിജു നായര്‍, സന്ദീപ്, അനന്തലക്ഷ്മി, അഭിറാം, അഭിരാമി തുടങ്ങിയവര്‍ പങ്കെടുത്തു.