തൃക്കരിപ്പൂര്‍: വി.പി.പി മുഹമ്മദ് കുഞ്ഞി പട്ടേലര്‍ സ്മാരക വൊക്കേഷനല്‍ ഹയര്‍ സെക്കന്‍ഡറി സ്‌കൂളില്‍ കുട്ടിപ്പൊലിസിന്റെ ആദ്യ ബാച്ച് പദ്ധതിക്ക് തുടക്കമായി.
ഈ അധ്യയന വര്‍ഷത്തിലാണ് സ്‌കൂളില്‍ കുട്ടിപ്പൊലിസ് ബാച്ച് അനുവദിച്ചത്. പൊലിസിലേക്കുള്ള കായിക പരിശോധന ഇന്നലെ സ്‌കൂളില്‍ നടന്നു. എട്ടു കായികയിനങ്ങളില്‍ അഞ്ചെണ്ണത്തില്‍ മികവ് കാണിക്കുന്ന 22 പെണ്‍കുട്ടികളെയും 22 ആണ്‍കുട്ടികളെയുമാണ് ആദ്യ ബാച്ചില്‍ തിരഞ്ഞെടുക്കുക. 56 പേരാണ് പരിശോധനയ്ക്ക് എത്തിയത്.
കുട്ടിപ്പൊലിസ് ചാര്‍ജ് ഓഫിസര്‍ ചന്തേര അഡീഷനല്‍ എസ്.ഐ ടി.പി ശശിധരന്‍, പരിശീലനം നല്‍കുന്ന സിവില്‍ പൊലിസ് ഓഫിസര്‍മാരായ രാജ് മോഹന്‍, ഷീബ, സ്‌കൂള്‍ അധ്യാപകരായ എം ലതിക, കെ.വി മധുസൂദനന്‍ എന്നിവര്‍ നേതൃത്വം നല്‍കി.