HOME
DETAILS

അധിക ജീവനക്കാരെ നിയമിച്ചില്ലെങ്കില്‍ വന്‍ പ്രത്യാഘാതം

  
backup
July 21 2020 | 04:07 AM

%e0%b4%85%e0%b4%a7%e0%b4%bf%e0%b4%95-%e0%b4%9c%e0%b5%80%e0%b4%b5%e0%b4%a8%e0%b4%95%e0%b5%8d%e0%b4%95%e0%b4%be%e0%b4%b0%e0%b5%86-%e0%b4%a8%e0%b4%bf%e0%b4%af%e0%b4%ae%e0%b4%bf%e0%b4%9a%e0%b5%8d%e0%b4%9a

 
 
 
തിരുവനന്തപുരം: സംസ്ഥാനത്ത് കൊവിഡ് വ്യാപനം ദിനം പ്രതി വര്‍ധിച്ചുവരുന്ന സാഹചര്യത്തില്‍ ആശുപത്രികളിലും മറ്റും അധിക ജീവനക്കാരെ നിയമിച്ചില്ലെങ്കില്‍ വന്‍ പ്രത്യാഘാതം നേരിടേണ്ടിവരുമെന്ന് ആരോഗ്യ വകുപ്പിന് കേരള ഗസറ്റഡ് മെഡിക്കല്‍ ഓഫിസേഴ്‌സ് അസോസിയേഷന്റെ (കെ.ജി.എം.ഒ.എ) മുന്നറിയിപ്പ്. ഡോക്ടര്‍മാരടക്കം കൂടുതല്‍ ആശുപത്രി ജീവനക്കാരെ താല്‍കാലികമായി നിയമിക്കണം.
കൊവിഡേതര രോഗങ്ങള്‍ക്കുള്ള ചികിത്സയ്ക്കുപുറമെ കൊവിഡ് സംശയിക്കുന്നവര്‍ക്കുള്ള എല്ലാ പരിശോധനയും ആരോഗ്യ വകുപ്പിനു കീഴിലുള്ള സ്ഥാപനങ്ങളിലാണു നടക്കുന്നത്. ഇവ ഒരുമിച്ചു കൊണ്ടുപോകാന്‍ അധിക ജീവനക്കാര്‍ ആവശ്യമുണ്ട്. രോഗബാധ വര്‍ധിക്കുന്നതിനുസരിച്ച് പുതിയ ചികിത്സാകേന്ദ്രങ്ങള്‍ സ്ഥാപിക്കുന്നുണ്ടെങ്കിലും മാനവവിഭവ ശേഷിയുടെ കാര്യത്തില്‍ കാര്യമായ ഇടപെടലുകളൊന്നും കാണുന്നില്ല. സി.എഫ്.എല്‍.ടി.സി ഉള്‍പ്പെടെ പുതുതായി സ്ഥാപിക്കുന്ന ഓരോ ചികിത്സാ കേന്ദ്രത്തിലും ഡോക്ടര്‍മാരടക്കം അധിക ജീവനക്കാരെ നിയമിച്ചില്ലെങ്കില്‍ രോഗീപരിചരണം അവതാളത്തിലാകും. ഈ വിഷയങ്ങള്‍ വിവരിച്ച് മേലധികാരികള്‍ക്ക് കത്തു നല്‍കിയിട്ടുണ്ടെന്നും കെ.ജി.എം.ഒ.എ ജില്ലാ പ്രസിഡന്റ് ഡോ. വി. സുനില്‍കുമാര്‍, സെക്രട്ടറി ഡോ. അരുണ്‍ എ. ജോണ്‍ എന്നിവര്‍ വാര്‍ത്താക്കുറിപ്പില്‍ അറിയിച്ചു.
 


Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."