കരുളായി: മൂത്തേടം ഗവണ്‍മെന്റ് ഹയര്‍ സെക്കന്‍ഡറി സ്‌കൂളില്‍ വിദ്യാര്‍ഥികളുടെ നേതൃത്വത്തില്‍ കരനെല്‍കൃഷിക്കു തുടക്കമായി. സ്‌കൂളിലെ എന്‍.എസ്.എസ് യൂനിറ്റിന്റെ നേതൃത്വത്തിലാണു സ്‌കൂള്‍ കോമ്പൗ@ിലും മറ്റു ഭാഗങ്ങളിലുമായി ഒന്നരയേക്കറോളം സ്ഥലത്ത് പവിഴം ഇനത്തിലെപ്പെട്ട വിത്തുപാകി കരനെല്‍ കൃഷിക്കു തുടക്കം കുറിച്ചത്.
കൃഷി വകുപ്പ് കരനെല്‍ കൃഷി ചെയ്യാന്‍ കര്‍ഷകരോടാവശ്യപ്പെട്ടപ്പോള്‍ പഞ്ചായത്തിലെ ഒരു കര്‍ഷകന്‍ പോലും കൃഷി ചെയ്യാന്‍ തായ്യാറാവാത്ത സാഹചര്യത്തിലാണു വിദ്യാര്‍ഥികള്‍ ഈ ഉദ്യമം ഏറ്റെടുത്തത്. കൃഷിയുടെ ഉദ്ഘാടനം ജില്ലാ പഞ്ചായത്തംഗം സെറീന മുഹമ്മദാലി വിത്തു പാകി ഉദ്ഘാടനം ചെയ്തു. എസ്.എം.സി ചെയര്‍മാന്‍ റഷീദ് തങ്ങള്‍ അധ്യക്ഷനായി.
പഞ്ചായത്ത് സ്ഥിരം സമിതി അധ്യക്ഷ ഇ. സൈറാബാനു, പ്രധാന അധ്യാപിക കെ.ഉഷ, ബഷീര്‍ കോട്ടയില്‍, ജോബി സംബന്ധിച്ചു.