കോഴിക്കോട്: അഴിമതി ആരോപിച്ച് എം.എസ്.എസില്‍ നിന്ന്  തങ്ങളെ പുറത്താക്കിയതിന് പിന്നില്‍ ഗൂഢാലോചനയും വ്യക്തിഹത്യയുമാണെന്ന് പി. സിക്കന്തറും പി.എം അഷ്‌റഫും വാര്‍ത്താ കുറിപ്പില്‍ അറിയിച്ചു. 2015-ല്‍ മാളിക്കടവ് സ്‌കൂളിലെ ഓഡിറ്റോറിയം നിര്‍മാണത്തില്‍ നേരിട്ട് പങ്കില്ലെന്നും സംഘടനയുടെ ആഭ്യന്തര പ്രശ്‌നങ്ങള്‍ തുറന്നു കാണിച്ചതിനുള്ള പകതീര്‍ക്കാന്‍ ജനറല്‍ സെക്രട്ടറി ഏകപക്ഷീയമായി എടുത്ത തീരുമാനമാണിതെന്നും ഇവര്‍ പറഞ്ഞു.