പഴയങ്ങാടി: പിലാത്തറ-പാപ്പിനിശ്ശേരി കെ.എസ്.ടി.പി റോഡില്‍ അടുത്തില ഇറക്കത്തില്‍ കാര്‍ നിയന്ത്രണം വിട്ട് മതിലിനടിച്ചു. ഇന്നലെ വൈകിട്ട് നാലോടെയാണ് പഴയങ്ങാടി ഭാഗത്തുനിന്ന് പിലാത്ത ഭാഗത്തേക്ക് വരികയായിരുന്ന കാര്‍ മറ്റൊരു വാഹനത്തെ മറികടക്കുന്നതിനിടെ നിയന്ത്രണം വിട്ടത്. ആദ്യം സിഗ്‌നല്‍ തൂണിന് ഇടിച്ച ശേഷം മതിലിലിടിച്ച് നില്‍ക്കുകയായിരുന്നു. ഇടിയുടെ ആഘാതത്തില്‍ മതിലും കാറിന്റെ മുന്‍ഭാഗവും തകര്‍ന്നു. കാര്‍ യാത്രികര്‍ക്ക് പരുക്കില്ല. ദിവസങ്ങള്‍ക്ക് മുമ്പ് ഇവിടെ കാര്‍ വൈദ്യുത തൂണിലിടിച്ച് അപകടം സംഭവിച്ചിരുന്നു.