വടകര: കോഴിക്കോട് വടകര കോട്ടപ്പള്ളിയില്‍ സി.പി.എമ്മുകാരുടെ അക്രമത്തില്‍ മുസ്‌ലിം ലീഗ് പ്രവര്‍ത്തകനു പരുക്ക്. കിഴക്കെ എളമ്പിലായി മൂസ(60)ക്കാണു പരുക്കേറ്റത്. ഇന്നലെ വൈകീട്ട് ആറിനാണ് അക്രമമുണ്ടായത്. ചെമ്മരത്തൂരില്‍ നിന്നു സംഘടിച്ചെത്തിയ സി.പി.എം പ്രവര്‍ത്തകരും കോട്ടപ്പള്ളി ഭാഗത്തെ സി.പി.എമ്മുകാരും ചേര്‍ന്നാണ് അക്രമം നടത്തിയത്. ഇവിടെ നേരത്തെ ഇരുപാര്‍ട്ടിയിലെയും പ്രവര്‍ത്തകര്‍ തമ്മില്‍ വാക്കുതര്‍ക്കമുണ്ടായിരുന്നു.