തിരൂരങ്ങാടി: മഴ ശക്തമായതോടെ തിരൂരങ്ങാടി താലൂക്കിന്റെ വിവിധ ഭാഗങ്ങളില്‍ നിരവധി വീടുകള്‍ വെള്ളത്തിലായി. വെള്ളിലക്കാട് ചുണങ്ങ്, പുഴഞ്ഞിലംപാടം, കണ്ണാടിത്തടം, കാളംതിരുത്തി, കൊടിഞ്ഞി പയ്യോളി, കോട്ടുവാലക്കാട്, മമ്പുറം ഭാഗങ്ങളിലാണ് വീടുകള്‍ വെള്ളത്തിലായത്. ചുണങ്ങില്‍ പതിനഞ്ചോളം വീടുകളും പുഴിഞ്ഞിലംപാടത്ത് പത്തിലേറെ വീടുകളും പയ്യോളിയില്‍ ഒരു വീടും വെള്ളത്തിലാണ്. ഇതില്‍ പല വീടുകളും തകര്‍ച്ചയുടെ ഭീഷണിയിലുമാണ്.