തോല്‍പ്പെട്ടി: മഹല്ല് ജമാഅത്ത് കമ്മിറ്റിയുടെ കീഴില്‍ എസ്.കെ.എസ്.എസ്.എഫ് സഹചാരി റിലീഫ് സെല്‍ സംഘടിപ്പിക്കുന്ന മജ്‌ലിസുന്നൂര്‍ രണ്ടാം വാര്‍ഷികവും ഇശല്‍ വിരുന്നും പ്രാര്‍ഥനാ സദസും ഇന്നും നാളെയും തോല്‍പ്പെട്ടി ജുമാമസ്ജിദ് പരിസരത്ത് ശംസുല്‍ ഉലമാ നഗറില്‍ നടക്കും.
ഇന്ന് വൈകിട്ട് എട്ടിന് നടക്കുന്ന പരിപാടി മഹല്ല് ഖത്വീബ് അബ്ദുല്‍ അസീസ് ലത്വീഫി ഉദ്ഘാടനം ചെയ്യും. മഹല്ല് സെക്രട്ടറി പി. അലവി അധ്യക്ഷനാവും. അല്‍ ഹാഫിള് സ്വാലിഹ് ഹുദവി വാളഞ്ചേരി പ്രഭാഷണം നടത്തും.
നാളെ ഉച്ചക്ക് 1.30ന് നടക്കുന്ന കൂട്ട സിയാറത്തിന് അബ്ദുല്‍ അസീസ് ലത്വീഫി നേതൃത്വം നല്‍കും.
വൈകിട്ട് ഏഴിന് ഇശല്‍ സന്ധ്യയും സമാപന സമ്മേളനവും അബ്ദുറഹ്മാന്‍ ഫൈസി മില്ലുമുക്ക് ഉദ്ഘാടനം ചെയ്യും.
മഹല്ല് പ്രസിഡന്റ് ഇ.എ ഇബ്‌റാഹീം ഹാജി അധ്യക്ഷനാവും. രാത്രി ഏട്ടിന് സംസ്ഥാന സ്‌കൂള്‍ കലോത്സവ ജേതാക്കളായ കണ്ണൂര്‍ ദുല്‍ഫുഖാര്‍ കലാസംഘം അവതരിപ്പിക്കുന്ന കലാ വിരുന്നും ഇശല്‍ സന്ധ്യയും നടക്കും.
തുടര്‍ന്ന് മജ്‌ലിസുന്നൂറും പ്രാര്‍ഥനാ സദസ ും പാണക്കാട് റശീദലി ശിഹാബ് തങ്ങള്‍ നേതൃത്വം നല്‍കും. സ്വാഗത സംഘം കണ്‍വീനര്‍ പി.കെ മുസ്തഫ സ്വാഗതവും സ്വാഗത സംഘം ട്രഷറര്‍ അലിയാര്‍ മോന്‍ നന്ദിയും പറയും.