ചങ്ങരംകുളം: കടവല്ലൂര്‍ പാടത്ത് മീന്‍കുഞ്ഞുങ്ങളെ കൂട്ടത്തോടെ കൊല്ലുന്നു.
പ്രദേശത്ത് മഴ ശക്തമായതോടെ തോടുകള്‍ നിറഞ്ഞൊഴുകുകയും ഇതിലൂടെ മീനുകള്‍ ധാരാളമെത്തുകയും ചെയ്തതോടെയാണ് കടവല്ലൂര്‍ പാടത്തെ തോട്ടില്‍ മീന്‍ പിടിക്കാന്‍ തുടങ്ങിയത്. ചെറിയ കണ്ണിവലകള്‍ ഉപയോഗിച്ചാണ് മീന്‍പിടിക്കുന്നത്. വലിയ മീനുകളെ വില്‍ക്കുകയും ചെറിയവയെ റോഡരികില്‍ ഉപേക്ഷിക്കുകയും ചെയ്യുകയാണ്. ബന്ധപ്പെട്ടവര്‍ യാതൊരു നടപടിയും എടുക്കുന്നില്ലെന്നാണ് നാട്ടുകാരുടെ പരാതി.