തിരുവനന്തപുരം: സ്ത്രീത്വത്തിന് അപമാനകരമായ പരാമര്‍ശം നടത്തിയ എം. എം മണിയെ മന്ത്രിസഭയില്‍ നിന്ന് പുറത്താക്കാന്‍ മുഖ്യമന്ത്രിക്ക് നിര്‍ദേശം നല്‍കണമെന്നാവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല സീതാറാം യെച്ചൂരിക്ക് കത്തയച്ചു.
എം.എം മണിക്ക് മന്ത്രി എന്ന നിലയില്‍ തുടരാനുള്ള ധാര്‍മികാവകാശം നഷ്ടപ്പെട്ടുവെന്ന് കത്തില്‍ സൂചിപ്പിക്കുന്നു. ഇത് യെച്ചൂരി നേതൃത്വം നല്‍കുന്ന സി.പി. എമ്മിന്റെ പ്രഖ്യാപിത നയങ്ങള്‍ക്ക് പൂര്‍ണമായും എതിരാണെന്നും ചെന്നിത്തല കത്തില്‍ ചൂണ്ടിക്കാട്ടി.
അതേസമയം , പ്രശ്‌നത്തില്‍ മന്ത്രി മണിക്കെതിരേ കേസെടുക്കണമെന്ന് ആവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല പൊലിസ് മേധാവിക്ക് കത്തു നല്‍കി.
മന്ത്രി മണി നടത്തിയ അപകീര്‍ത്തികരവും, ലൈംഗിക ചുവയുള്ളതുമായ പരാമര്‍ശങ്ങള്‍ക്കെതിരേ ബന്ധപ്പെട്ട വകുപ്പുകള്‍ ചുമതത്തി കേസ് രജിസ്റ്റര്‍ ചെയ്യണമെന്നാണ് കത്തില്‍ ആവശ്യപ്പെട്ടിരിക്കുന്നത്.