പുതുനഗരം : ഊട്ടറ വളവില്‍ ഒരാഴ്ച്ചക്കിടെ പത്തിലധികം വാഹന അപകടങ്ങള്‍ .മുന്നറിയിപ്പ് ബോര്‍ഡും സീബ്ര ലൈനും സ്ഥാപിക്കണമെന്ന് നാട്ടുകാര്‍. കൊല്ലങ്കോട് പാലക്കാട് പ്രധാന റോഡില്‍ ഊട്ടറവളവില്‍ റോഡിലെ വഴുക്കലും അമിതവേഗതയുമാണ് മിക്കപ്പോഴും അപകടങ്ങള്‍ക്ക് വഴിവെച്ചിട്ടുള്ളത്. ബൈക്ക്, ജീപ്പ്, പിക്കപ്പ് വാന്‍, മിനി വാന്‍,ബസ് എന്നിവയാണ് ഊട്ടറ വളവില്‍ പ്രധാനമായും അപകടത്തിനിരയാകുന്നത്. കാല്‍നടയാത്രക്കാര്‍ക്കും അമിത വേഗത്തിലെത്തുന്ന വാഹനങ്ങള്‍ അപകടങ്ങള്‍ വരുത്തി വയ്ക്കാറുണ്ട്. മുന്നറിയിപ്പ് ബോര്‍ഡുകളും സീബ്രാലൈനും റോഡിലെ വളവില്‍ സ്ഥാപിക്കുന്നതോടൊപ്പം പോലീസിന്റ വേഗത പരിശോധനയും വേണമെന്ന് നാട്ടുകാര്‍ ആവശ്യപ്പെട്ടു.