അനന്താപൂര്‍: കാദിരി-മദനപള്ളി ദേശീയപാതയില്‍ ലോറിയും മിനിവാനും കൂട്ടിയിടിച്ചുണ്ടായ അപകടത്തില്‍ ആറുപേര്‍ മരിച്ചു. എട്ടുപേര്‍ക്ക് പരുക്കേറ്റു. അനന്താപൂര്‍ ജില്ലയിലെ യേരഗുണ്ടല്‍പള്ളി ഗ്രാമത്തില്‍ ഇന്നലെ രാവിലെ 6.30നായിരുന്നു അപകടം.
മരിച്ചവരും പരുക്കേറ്റവരുമെല്ലാം മിനിവാന്‍ യാത്രക്കാരാണെന്ന് കാദിരി സര്‍ക്കിള്‍ ഇന്‍സ്‌പെക്ടര്‍ പറഞ്ഞു. അപകടത്തിനു പിന്നാലെ രണ്ടു വാഹനങ്ങളിലെയും ഡ്രൈവര്‍മാര്‍ ഓടി രക്ഷപ്പെട്ടതായും പൊലിസ് അറിയിച്ചു.