കരൂപ്പടന്ന: പഴമയുടെ മാനോഹാരിത വിളിച്ചോതി കരൂപ്പടന്ന ഗവ.ഹയര്‍ സെക്കന്‍ഡറി സ്‌കൂളിലെ എല്‍.പി. വിഭാഗത്തിന്റെ ആഭിമുഖ്യത്തില്‍ പഴയ കാലത്ത് ഉപയോഗിച്ചിരുന്ന വീട്ടുപകരണങ്ങളുടെയും കൃഷി ഉപകരണങ്ങളുടേയും പ്രദര്‍ശനം നടത്തി. ഉപയോഗശൂന്യമായ പ്ലാസ്റ്റിക് കൊണ്ട് വിദ്യാര്‍ഥികള്‍ ഉണ്ടാക്കിയ കരകൗശല വസ്തുക്കളും പ്രദര്‍ശിപ്പിച്ചു.
പി.ടി.എ, എം.പി.ടി.എ എന്നിവയുടെ സഹകരണത്തോടെ നടത്തിയ പ്രദര്‍ശനം പ്രധാനാധ്യാപിക പി.കെ.സീനത്ത് ഉദ്ഘാടനം ചെയ്തു. പി.ടി.എ പ്രസിഡന്റ് അഹമ്മദ് ഫസലുള്ള അധ്യക്ഷനായി.
നസൗമ്യ ബിജു, ബീന, മുഹമ്മദ് ഫായിസ്, ഫൈഹ, നദ ഫര്‍ഹത്ത്, സബ്‌ന ഹക്കീം, ഷെറീന അബ്ദുല്‍ ഖാദര്‍ നേതൃത്വം നല്‍കി.