ന്യൂഡല്‍ഹി: സെക്യൂരിറ്റീസ് ആന്റ് എക്‌സ്‌ചേഞ്ച് ബോര്‍ഡ് ഓഫ് ഇന്ത്യയ് (സെബി)ക്കു 1500 കോടി നല്‍കാമെന്നു സമ്മതിച്ചതോടെ സഹാറ മേധാവി സുബ്രതാ റോയിയുടെ പരോള്‍ നീട്ടിനല്‍കി. നിക്ഷേപത്തട്ടിപ്പ് കേസില്‍ ജയിലിലായി പരോളിലിറങ്ങിയതായിരുന്നു സുബ്രതാ റോയി.

ജൂണ്‍ 15 നു മുമ്പ് പണം നല്‍കാമെന്ന് വാഗ്ദാനം ചെയ്തതോടെ അദ്ദേഹത്തിന് അനുവദിച്ചിരുന്ന പരോള്‍ ജൂണ്‍ 19 വരെ സുപ്രിം കോടതി നീട്ടിനല്‍കി.

അവധിക്കു മുന്‍പ് പണം നല്‍കിയില്ലെങ്കില്‍ വീണ്ടും ജയിലില്‍ പോകേണ്ടി വരുമെന്നും കോടതി മുന്നറിയിപ്പു നല്‍കി. ജൂണ്‍ 19 ന് കേസില്‍ വീണ്ടും വാദം കേള്‍ക്കാനും കോടതി തീരുമാനിച്ചു.