തൊടുപുഴ: 'നേരറിവ് നല്ല നാളേക്ക് ' എന്ന പ്രമേയത്തെ ആസ്പദമാക്കി വിവിധ മദ്‌റസകളില്‍ പ്രവേശനോത്സവം സംഘടിപ്പിച്ചു. പട്ടയം കവല നാസിറുല്‍ ഇസ്‌ലാം അറബിക് സ്‌കൂളില്‍ നടന്ന പ്രവേശനോത്സവം മമ്പഉല്‍ ഹൈറാത് ജുംആ മസ്ജിദ് ചീഫ് ഇമാം എം.എസ് അബ്ദുല്‍ കബീര്‍ റഷാദി ഉദ്ഘാടനം ചെയ്തു. ജമാഅത്ത് പ്രസിഡന്റ് വി.എ സെയ്ത്മുഹമ്മദ് അധ്യക്ഷത വഹിച്ചു. വണ്ണപ്പുറം ടൗണ്‍ ജുമുഅ മസ്ജിദ് ചീഫ് ഇമാം മുഹമ്മദ് സ്വാലിഹ് അന്‍വരി ചേകന്നൂര്‍ മുഖ്യപ്രഭാഷണം നടത്തി. ഇടവെട്ടി ഗ്രാമപഞ്ചായത്ത് പ്രസിഡന്റ് ലത്തീഫ് മുഹമ്മദ്, വി.എം അന്‍സാരി, അഷ്‌റഫ് മന്നാനി, അബ്ദുറഹ്മാന്‍ സഅദി, സത്താര്‍ ബാഖവി, അബ്ദുല്‍ കബീര്‍ മൗലവി, അബ്ദുറഹ്മാന്‍ മൗലവി ആശംസകള്‍ അര്‍പ്പിച്ചു. ജമാഅത്ത് സെക്രട്ടറി പി.പി മുഹമ്മദ്കുഞ്ഞ് സ്വാഗതവും ഷിനാജ് കാരകുന്നേല്‍ നന്ദിയും പറഞ്ഞു. സമസ്ത പൊതുപരീക്ഷയില്‍ 5, 7, 10 ക്ലാസുകളില്‍ റാങ്ക് കരസ്ഥമാക്കിയ വിദ്യാര്‍ഥികള്‍ക്കുള്ള അവാര്‍ഡുകളും ട്രോഫികളും വിതരണം ചെയ്തു.
പാലമല അന്‍സാറുല്‍ ഇസ്‌ലാം മദ്‌റസയില്‍ നടന്ന പ്രവേശനോത്സവത്തില്‍ ഇമാം ഇസ്മായില്‍ മൗലവി പാലമല വിദ്യാര്‍ഥികള്‍ക്കു മധുരം നല്‍കി സ്വീകരിച്ചു. ജമാഅത്ത് പ്രസിഡന്റ് അഷ്‌റഫ് എല്‍. പറമ്പില്‍, സെക്രട്ടറി ഇ.എം നിസാര്‍, ട്രഷറര്‍ അബ്ദുല്‍ അസീസ് എല്‍. പറമ്പില്‍, രക്ഷകര്‍ത്താക്കള്‍ നേതൃത്വം നല്‍കി. വണ്ണപ്പുറം സിറാജുല്‍ ഹുദാ മദ്‌റസയില്‍ നടന്ന പ്രവേശനോത്സവം ഇമാം ഹനീഫ് കാശിഫി ഉദ്ഘാടനം ചെയ്തു. കെ.ഇ ഹമീദ് ഹാജി അധ്യക്ഷത വഹിച്ചു. ടി.ആര്‍ റഷീദ്, പി.എസ് കാസിം, കരീം മൗലവി, ഇസ്മായില്‍ മൗലവി പ്രസംഗിച്ചു.