തുറവൂര്‍: യുവതിയെയും ഭര്‍ത്താവിനെയും യുവാവ് വീടുകയറി ആക്രമിച്ചതായി പരാതി. തുറവൂര്‍ ആലുംതറ വീട്ടില്‍ പുരുഷോത്തമന്റെ മകള്‍ വിദ്യ (27), ഭര്‍ത്താവ് ഡിബി (35) എന്നിവരെയാണ് പരുക്കേറ്റ് തുറവൂര്‍ താലൂക്ക് ആശുപത്രിയില്‍ പ്രവേശിപ്പിച്ചത്.
കഴിഞ്ഞ ദിവസം രാവിലെ 12നായിരുന്നു സംഭവം. പുരുഷോത്തമനെ ഫോണില്‍ വിളിച്ച് അസഭ്യം പറഞ്ഞതിനെ ചോദ്യം ചെയ്തതിനെ തുടര്‍ന്നാണ് യുവാവ് വീടുകയറി ആക്രമണം നടത്തിയത്. വിദ്യയെ മര്‍ദിക്കുന്നത് തടയാന്‍ ശ്രമിക്കവേയാണ് ഭര്‍ത്താവ് ഡിബിക്ക് മര്‍ദനമേറ്റത്. ഇയാളുടെ കഴുത്തിനും നെഞ്ചിനുമാണ് മര്‍ദനമേറ്റിരിക്കുന്നത്. കുത്തിയതോട് പൊലിസില്‍ പരാതി നല്‍കി.

.