കല്‍പ്പറ്റ: മെയ് 2, 3 തിയതികളില്‍ വാളാട് ഉമറലി ശിഹാബ് നഗറില്‍ നടക്കുന്ന എസ്.വൈ.എസ് ജില്ലാ ദ്വിദിന ക്യാംപ് ചൊവ്വാഴ്ച  വൈകിട്ട് മൂന്നിന് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.
സമസ്ത ജില്ലാ പ്രസിഡന്റ്് കെ.ടി ഹംസ മുസ്‌ലിയാര്‍ അധ്യക്ഷനാകും. ചേരിയമൂല ജന്നത്തുല്‍ ഉലൂം മദ്‌റസയിലാണ് ക്യാംപ്.
സംഘടനാ ശാക്തീകരണവും ഒരു വര്‍ഷത്തെ കര്‍മ പദ്ധതിയും ലക്ഷ്യം വച്ച് നടത്തുന്ന ക്യാംപ ിന്റെ ഉദ്ഘാടന സെഷനില്‍ വാളാട് മേഖലയിലെ പൊതു ജനങ്ങള്‍ കൂടി പങ്കാളികളാവും. പിണങ്ങോട് അബൂബക്കര്‍ വിഷയം അവതരിപ്പിക്കും.