കണ്ണൂര്‍: പരിയാരം മെഡിക്കല്‍ കോളജ് ആശുപത്രിയിലെ ജനറല്‍ വാര്‍ഡില്‍ എട്ട് രോഗികള്‍ ഉള്‍പ്പെടെ 11 പേര്‍ക്ക് കൊവിഡ് സ്ഥിരീകരിച്ചു. രോഗം സ്ഥിരീകരിച്ച മൂന്ന് പേര്‍ രോഗികളുടെ കൂട്ടിരിപ്പുകാരാണ്.

ജനറല്‍ വാര്‍ഡില്‍ 10 പേരാണ് ഉണ്ടായിരുന്നത്. കൊവിഡ് ബാധിക്കാത്തവരെ വാര്‍ഡില്‍ നിന്ന് മാറ്റി. ഇതോടെ എട്ടാം നിലയിലെ ജനറല്‍ വാര്‍ഡ് കൊവിഡ് വാര്‍ഡായി.

രോഗവ്യാപനത്തിന്റെ പശ്ചാത്തലത്തില്‍ ജനറല്‍ ഒപി, സമ്പര്‍ക്കം ഉണ്ടായ വാര്‍ഡുകള്‍, ഓപ്പറേഷന്‍ തിയ്യറ്റര്‍, ഐ.സി.യു തുടങ്ങിയവ ഈ മാസം 30വരെ അടച്ചിട്ടുണ്ട്.