തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തലയുടേത് പ്രത്യേക മാനസികാവസ്ഥയാണെന്നും ഇതിന് മറുപടിയില്ലെന്നും മുഖ്യമന്ത്രി പിണറായി വിജയന്‍. പ്രതിപക്ഷ നേതാവിന്റെ വിമര്‍ശനങ്ങളോട് പ്രതികരിക്കുകയായിരുന്നു അദ്ദേഹം.

മുഖ്യമന്ത്രിക്കസേര ഒഴിഞ്ഞുകിട്ടണം. അവിടെകയറിയിരിക്കണം. ഇതാണ് അദ്ദേഹം ആഗ്രഹിക്കുന്നത്. എന്നാല്‍ അതൊന്നും നടക്കാന്‍ പോകുന്നില്ല. ഇതിന് നമുക്ക് എന്തു ചെയ്യാന്‍ കഴിയും. ഇദ്ദേഹത്തിന്റെ ഇത്തരം ആരോപണങ്ങളോട് പ്രതികരിക്കാന്‍ കഴിയില്ലെന്നും മുഖ്യമന്ത്രി പറഞ്ഞു. ശിവശങ്കറിന്റെ ചോദ്യം ചെയ്യലുമായി ബന്ധപ്പെട്ട് മുന്‍പ് പറഞ്ഞിട്ടുള്ളതാണെന്നും മുഖ്യമന്ത്രി കൂട്ടിച്ചേര്‍ത്തു.