ചങ്ങരംകുളം: ഉപതെരെഞ്ഞെടുപ്പിനൊരുങ്ങിയ ആലങ്കോട് പഞ്ചായത്തിലെ എട്ടാം വാര്‍ഡില്‍ യു.ഡി.എഫ് സ്ഥാനാര്‍ഥി പഞ്ചായത്ത് സെക്രട്ടറിക്ക് മുമ്പാകെ പത്രിക സമര്‍പ്പിച്ചു. യു.ഡി.എഫ്  സ്ഥാനാര്‍ഥിയായി മല്‍സരിക്കുന്ന മുസ്‌ലിം ലീഗ് സ്ഥാനാര്‍ത്ഥി നഫീസ അബ്ദുല്‍ ഹയ്യ് ആണ് ഇന്നലെ പതിനൊന്ന്  മണിയോടെ ആലങ്കോട് പഞ്ചായത്ത് സെക്രട്ടറിക്ക് മുമ്പാകെ പത്രിക സമര്‍പ്പിച്ചത്. ഇടതുപക്ഷ  സ്ഥാനാര്‍ഥി സരിത മണികണ്ഠന്‍, ബി.ജെ.പി സ്ഥാനാര്‍ഥി ദിവ്യ അജീഷ് എന്നിവര്‍ കഴിഞ്ഞ ദിവസം  പത്രിക സമര്‍പ്പിച്ചിരുന്നു.