പെരിന്തല്‍മണ്ണ: വാഴേങ്കട ശാഖാ എസ്.കെ.എസ്.എസ്.എഫ് കമ്മിറ്റി പ്രദേശത്തെ നിര്‍ധന കുടുംബത്തിന് നിര്‍മിച്ചു നല്‍കിയ ബൈത്തുല്‍ മുസാഅദയുടെ താക്കോല്‍ദാനം സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ നിര്‍വഹിച്ചു. പ്രവാസി വാട്‌സ്ആപ്പ് കൂട്ടായ്മയുടെയും നാട്ടുകാരുടെയും സഹകരണത്തോടെയാണ് വീടിന്റെ നിര്‍മാണം പൂര്‍ത്തീകരിച്ചത്. പി.പി മൂസ ചെയര്‍മാനും വാര്‍ഡ് അംഗം ചിരക്കാട്ടില്‍ ഫൈസല്‍ കണ്‍വീനറും സി.എച്ച് ഉമ്മര്‍ മൗലവി ട്രഷററുമായ കമ്മിറ്റിയാണ് നിര്‍മാണത്തിന് മേല്‍നോട്ടം വഹിച്ചത്. വീട് പൂര്‍ത്തിയാക്കിയ ശേഷം ബാക്കി തുകക്ക് വീട്ടുപകരണങ്ങളും വാങ്ങി നല്‍കി. ചടങ്ങില്‍ മഹല്ല് ഖാസി ഉമര്‍ ഫൈസി അധ്യക്ഷനായി. സത്താര്‍ പന്തല്ലൂര്‍ മുഖ്യപ്രഭാഷണം നടത്തി. മഞ്ഞളാംകുഴി അലി എം.എല്‍.എ, പി.കെ.എസ് തങ്ങള്‍ കൊടക്കാട്, ഷറഫുദ്ദീന്‍ തങ്ങള്‍ തൂത, സി.കെ മൊയ്തുട്ടി മുസ്‌ലിയാര്‍, ആനമങ്ങാട് മുഹമ്മദ്കുട്ടി ഫൈസി, കെ.പി യാസിര്‍ ഫൈസി, ഫൈറൂസ് ഫൈസി ഒറവംപുറം, സി.കെ സക്കീര്‍ ബാബു, ടി.കെ മുഹമ്മദലി സംസാരിച്ചു.