HOME
DETAILS

വധ്രയുടെ സ്വത്തുമായി ബന്ധമില്ല- വിശദീകരണവുമായി പ്രിയങ്ക

  
backup
April 28 2017 | 03:04 AM

robert-vadra-priyanka

ന്യൂഡല്‍ഹി: കോണ്‍ഗ്രസ് അധ്യക്ഷ സോണിയ ഗാന്ധിയുടെ മരുമകന്‍ റോബര്‍ട്ട് വധ്രയുടെ അധികൃത സ്വത്ത് സമ്പാദനവുമായി ബന്ധപ്പെട്ട വിവാദങ്ങള്‍ പുകയുന്നതിനിടെ വിശദീകരണവുമായി ഭാര്യ പ്രിയങ്ക ഗാന്ധി രംഗത്ത്. റോബര്‍ട്ട് വധ്രയുടെ സ്വത്തുമായി തനിക്ക് ബന്ധമില്ലന്നാണ് പ്രിയങ്കാഗാന്ധിയുടെ വിശദീകരണം. വധ്ര ഡി.എല്‍ഫില്‍ നിന്ന് കൈപറ്റിയ തുകയുടെ ഒരു ഭാഗം ഹരിയാനയിലെ ഫരീദാബാദില്‍ ഭൂമി വാങ്ങാന്‍ പ്രിയങ്ക ഉപയോഗിച്ചിരുന്നു എന്ന രീതിയില്‍ പുറത്തു വന്ന റിപ്പോര്‍ട്ടുകളാണ് വിശദീകരണം നല്‍കാന്‍ കാരണം.


ഇന്ദിരാഗാന്ധിയില്‍നിന്നു കൈമാറി കിട്ടിയ സ്വത്തില്‍നിന്നാണ് തന്റെ വരുമാനമെന്ന് പ്രിയങ്ക ഗാന്ധിയുടെ കേസ് അന്വേഷിക്കുന്ന ജുഡീഷ്യല്‍ കമ്മീഷനെ അറിയിച്ചിരുന്നു. വധേരയുടെ വരുമാനം താന്‍ ഉപയോഗിച്ചിട്ടില്ലെന്നും അവര്‍ കമ്മീഷനെ അറിയിച്ചു.

അതേസമയം, ഹരിയാനയിലെ ഭൂമി ഇടപാടില്‍ 50 കോടി രൂപ ലാഭമുണ്ടാക്കിയെന്ന് ജുഡീഷല്‍ കമ്മീഷന്‍ റിപ്പോര്‍ട്ട് ചെയ്തു. ഭൂവിനിയോഗ ചട്ടങ്ങള്‍ ലംഘിക്കാന്‍ വധ്രയ്ക്ക് വിഴിവിട്ട സഹായങ്ങള്‍ ലഭിച്ചെന്നും ജസ്റ്റിസ് ദിംഗ്ര കമ്മീഷന്‍ കണ്ടെത്തി. ഹരിയാനയില്‍ വധ്രയുടെ കമ്പനി നടത്തിയ 250 ഭൂമി ഇടപാടുകളെ കുറിച്ചാണ് കമ്മീഷന്‍ അന്വേഷിച്ചത്.

ഹരിയാനയിലെ ബി.ജെ.പി സര്‍ക്കാരാണ് ദിംഗ്ര അന്വേഷണ കമ്മീഷനെ നിയോഗിച്ചത്. ഗുഡ്ഗാവില്‍ 2008 ല്‍ 7.5 കോടി രൂപ മുടക്കി വാങ്ങിയ മൂന്നര ഏക്കര്‍ ഭൂമിയിടപാടാണ് വധ്രയ്ക്ക് എതിരെയുള്ളത്. ഈ ഭൂമി മൂന്ന് മാസത്തിനുള്ളില്‍ റിയല്‍ എസ്റ്റേറ്റ് ഭീമന്‍മാരായ ഡി.എല്‍.എഫിന് 58 കോടി രൂപയ്ക്ക് മറിച്ചു വിറ്റു. ഈ ഇടപാടില്‍ സര്‍ക്കാരിന് വന്‍ നഷ്ടമുണ്ടായെന്നാണ് ആരോപണം.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."