നാദാപുരം: സുപ്രഭാതം അഞ്ചാം വാര്‍ഷിക പ്രചാരണ കാംപയിനി ന്റെ ഭാഗമായി വാണിമേല്‍ റെയ്ഞ്ച് ജംഇയ്യത്തുല്‍ മുഅല്ലിമീന്‍ കമ്മിറ്റി സംഘടിപ്പിച്ച റെയ്ഞ്ച്തല നേതൃസംഗമം ജനപങ്കാളിത്തം കൊണ്ട് ശ്രദ്ധേയമായി.
ഭൂമിവാതുക്കല്‍ നൂറുല്‍ ഹുദാ മദ്‌റസയില്‍ വച്ചു നടന്ന പരിപാടിയില്‍ റെയ്ഞ്ചിലെ 14 മദ്‌റസയില്‍ നിന്നായി നൂറുകണക്കിന് അധ്യാപകരും മദ്‌റസ മാനേജിങ് കമ്മിറ്റി പ്രധിനിധികളും സമസ്തയുടേയും പോഷക സംഘടനയുടെ പ്രധാന പ്രവര്‍ത്തകരും പങ്കെടുത്തു.
റെയ്ഞ്ചിലെ മുഴുവന്‍ മദ്‌റസ കേന്ദ്രങ്ങളിലും കൂടുതല്‍ വാര്‍ഷിക വരിക്കാരെ ചേര്‍ക്കാനും പ്രചാരണ ക്യാംപയിന്‍ വിജയമാക്കാനും തീരുമാനിച്ചു.
എസ് വൈ എസ് ജില്ലാ ഉപാധ്യക്ഷന്‍ സയ്യിദ് ടിപിസി തങ്ങള്‍ ഉദ്ഘാടനം ചെയ്തു.സമസ്ത മുഫത്തിശ് അഷ്‌റഫ് യമാനി കാസര്‍ഗോഡ് അധ്യ ക്ഷനായി.
സുഹൈബ് ബാഖവി വെള്ളിയോട് ഖിറാഅത്ത് നിര്‍വ്വഹിച്ചു. സുപ്രഭാതം സബ് എഡിറ്റര്‍ മുജീബ് ഫൈസി പൂലോട്പ്രഭാഷണം നടത്തി.
മുദരിബ് ശരീഫ് ഫൈസി വാകേരി, അബ്ദുസ്സലാം ദാരിമി അടിവാരം, പി.പി അശ്‌റഫ് മൗലവി, ടി.എം.വി അബ്ദുല്‍ ഹമീദ്, കെ.പി മൊയ്തു, കെ.കെ മുഹമ്മദലി മാസ്റ്റര്‍, അശ്‌റഫ് കൊറ്റാല, കെ.എം കുഞ്ഞമ്മദ് മുസ്‌ലിയാര്‍, ഒ. മുനീര്‍ മാസ്റ്റര്‍, സി.വി അശ്‌റഫ് മാസ്റ്റര്‍, മുഹമ്മദ് റഹ്മാനി, മുഹമ്മദ് വാഫി, എന്‍. സൂപ്പി മാസ്റ്റര്‍, കുനിയില്‍ അശ്‌റഫ്, ഒ.പി അമ്മത് മാസ്റ്റര്‍ സംസാരിച്ചു.
സുപ്രഭാതം റെയ്ഞ്ച് കോഡിനേറ്ററായി ജാഫര്‍ ദാരിമി ഇരുന്നലാടിനെ തെരെഞ്ഞെടുത്തു. അലി അസ്ഹരി സ്വാഗതവും ശിഹാബുദ്ദീന്‍ ദാരിമി നന്ദിയും പറഞ്ഞു.