നന്തി: ഉലുല്‍ ഇല്‍മിന്റെ ഉല്‍കൃഷ്ടത എന്ന പ്രമേയത്തില്‍ നന്തി ജാമിഅ ദാറുസ്സലാം അല്‍ ഇസ്‌ലാമിയ്യയുടെ 43-ാം വാര്‍ഷിക 14-ാം സനദ്ദാന സമ്മേളനത്തിനു തുടക്കമായി. ഉദ്ഘാടന സംഗമം സയ്യിദ് ഹുസൈന്‍ ബാഫഖി തങ്ങള്‍ കൊയിലാണ്ടി ഉദ്ഘാടനം ചെയ്തു. തഖിയുദ്ദീന്‍ ഹൈത്തമി അധ്യക്ഷനായി. തുടര്‍ന്ന് നടന്ന നാഷനല്‍ ഹിഫഌ കോംപറ്റീഷന് അസ്അദ് ഹുസൈന്‍ അല്‍ ഖാസിമി ബിഹാര്‍ നേതൃത്വം നല്‍കി.
ഇന്നു രാവിലെ 10ന് നടക്കുന്ന വിദ്യാഭ്യാസ സെമിനാര്‍ സാബിഖലി ശിഹാബ് തങ്ങള്‍ ഉദ്ഘാടനം ചെയ്യും. ഹംസക്കുട്ടി മുസ്‌ലിയാര്‍ ആദൃശ്ശേരി അധ്യക്ഷനാകും. ശുഐബുല്‍ ഹൈത്തമി വാരാമ്പറ്റ, ഡോ. അബ്ദുല്‍ ബര്‍റ് വാഫി, കെ.ടി ജാബിര്‍ ഹുദവി സംസാരിക്കും. അബ്ദുല്‍ ഹമീദ് ഫൈസി അമ്പലക്കടവ് മോഡറേറ്ററായിരിക്കും.
ഉച്ചക്ക് രണ്ടിനു നടക്കുന്ന സാംസ്‌കാരിക സമ്മേളനം കെ. ദാസന്‍ എം.എല്‍.എ ഉദ്ഘാടനം ചെയ്യും. സയ്യിദ് മുഹമ്മദ് കോയ തങ്ങള്‍ ജമലുല്ലൈലി അധ്യക്ഷനാകും. വൈകിട്ട് നാലിനു സയ്യിദ് ഹൈദരലി ശിഹാബ് തങ്ങള്‍ പതാക ഉയര്‍ത്തും. രാത്രി ഏഴിന് മതപ്രഭാഷണ സദസ് മുഈനലി ശിഹാബ് തങ്ങള്‍ ഉദ്ഘാടനം ചെയ്യും. സിറാജുദ്ദീന്‍ ഖാസിമി പത്തനാപുരം മതപ്രഭാഷണം നടത്തും. ഒന്‍പതിന് പ്രാര്‍ഥനാ സംഗമത്തിനു മാണിയൂര്‍ അഹ്മദ് മുസ്‌ലിയാര്‍ നേതൃത്വം നല്‍കും.
നാളെ രാവിലെ 10ന് ഫിഖ്ഹ് സെമിനാര്‍ അഡ്വ. ഓണംപള്ളി മുഹമ്മദ് ഫൈസി ഉദ്ഘാടനം ചെയ്യും. പി. ഇബ്രാഹിം മുസ്‌ലിയാര്‍ വില്ല്യാപ്പള്ളി അധ്യക്ഷനാകും. ഉച്ചയ്ക്ക് രണ്ടിന് മെഡി മീറ്റ് ഡോ. അബ്ദുല്‍ ലത്തീഫ് ഉദ്ഘാടനം ചെയ്യും. ഡോ. അബ്ദുല്ല ചിറയക്കാട് അധ്യക്ഷനാകും. രാത്രി എട്ടിന് മത പ്രഭാഷണ സദസ് മുഹമ്മദ് മുബഷിര്‍ ജമലുല്ലൈലി തങ്ങള്‍ ഉദ്ഘാടനം ചെയ്യും. ഖലീല്‍ ഹുദവി കാസര്‍കോട് പ്രഭാഷണം നടത്തും.
സമ്മേളന പ്രചാരണാര്‍ഥം വിവിധ ജില്ലകളില്‍ ദാരിമീസ് സെന്‍ട്രല്‍ കൗണ്‍സില്‍ സംഘടിപ്പിച്ച ജാഥകള്‍ സമാപിച്ചു. വിവിധ ജില്ലാ കേന്ദ്രങ്ങളില്‍ സമസ്ത പ്രസിഡന്റ് ജിഫ്‌രി മുത്തുക്കോയ തങ്ങള്‍, എ.വി അബ്ദുറഹിമാന്‍ മുസ്‌ലിയാര്‍, ഖാസിം മസ്‌ലിയാര്‍, നാസര്‍ ഫൈസി കൂടത്തായി, സത്താര്‍ പന്തലൂര്‍, മുസ്തഫ ഫൈസി സംബന്ധിച്ചു.