തിരുവനന്തപുരം: മതന്യൂനപക്ഷങ്ങളുടെ വോട്ടുകള്‍ നഷ്ടപ്പെടുമോയെന്ന ഭീതിയില്‍ തെരഞ്ഞെടുപ്പ് പ്രസംഗങ്ങളിലെ പരാമര്‍ശങ്ങള്‍ അടര്‍ത്തിയെടുത്ത് തെറ്റായി വ്യാഖ്യാനിച്ച് വര്‍ഗീയവികാരമിളക്കി വിടുകയാണെന്ന് ബി.ജെ.പി സംസ്ഥാന അധ്യക്ഷന്‍ പി.എസ് ശ്രീധരന്‍ പിള്ള. അപകടകരമായ ഇത്തരം അഭ്യാസങ്ങള്‍ കോണ്‍ഗ്രസിന്റെയും സി.പി.എമ്മിന്റെയും നേതാക്കള്‍ എത്രയും വേഗം അവസാനിപ്പിക്കണമെന്ന് അദ്ദേഹം ആവശ്യപ്പെട്ടു. ആറ്റിങ്ങലിലെ തന്റെ പ്രസംഗവും അതിലെ പരാമര്‍ശവും കേട്ട ആര്‍ക്കും അതിന്റെ ഉദ്ദേശശുദ്ധി മനസിലാക്കാമെന്നും ശ്രീധരന്‍പിള്ള പ്രസ്താവനയില്‍ പറഞ്ഞു.